Eftirfarandi frétt birtist á vef Neytendasamtakanna: Undanfarið hafa birst heilsíðuauglýsingar frá Byggingarfélaginu Reisir ehf. um þakviðgerðir með svokallaðri Pace aðferð. Að gefnu tilefni vilja Neytendasamtökin vekja athygli á eftirfarandi grein sem birtist í síðasta Neytendablaði: Maður nokkur fékk tilboð í Pace gúmmíhúðun á þak húss síns frá Reisi ehf. Tilboðið hljóðaði upp á rúmlega 600.000 kr. og lagði fyrirtækið mikla áherslu á 10 ára ábyrgð og skjót viðbrögð við kvörtunum.

Aðalfundur Málarameistarafélagsins verður haldinn að Skipholti 70 miðvikudaginn 9. maí kl. 17.00. Dagskrá samkvæmt lögum félagsins. Félagsmenn eru hvattir til að mæta.

Um síðustu helgi, 9. og 10. mars, fór fram Íslandsmót iðn- og verkgreina. Mótið var í glæsilegri byggingu Háskólans í Reykjavík. Íslandsmótið hefur verið að vaxa og dafna undanfarin ár og var þetta mót það langstærsta. Á Íslandsmótinu er keppt í fjölda greina bæði í einstaklingskeppni og keppni á milli skóla. Að venju tóku nemar í málaraiðn þátt og voru þeir að þessu sinni þrír, eins og sjá má á meðfylgjandi mynd. Þier voru, talið frá vinstri: Hafsteinn Jóhannsson, Bóas Orri Du Teitsson og Pétur Fletcher. Þetta var mjög jöfn keppni að þessu sinni og var erfitt að skera úr um hver bæri sigur úr býtum, en sá sem sigraði var Pétur Fletcher. Það má alveg fylgja hér með að Pétur er að leita sér að málarameistara til að taka sig á saming.

Samtök iðnaðarins stóðu nýverið fyrir talningu íbúða í byggingu á Stór-Reykjavíkursvæðinu. Niðurstaðan er að íbúðir sem eru fokheldar eða lengra komnar eru 1175 talsins og hafin er bygging á 244 íbúðum til viðbótar. Samtals eru þetta því 1419 íbúðir. Talið er að árlega þurfi um 1500 nýjar íbúðir inn á markaðinn og eru íbúðir í byggingu því innan við áætlaða ársþörf. Þá þarf að hafa í huga að byggingartími íbúðar í fjölbýli er 18-24 mánuðir þannig að ljóst er að íbúðir í byggingu eru langt frá því að fullnægja þörf markaðarins. Samtökin töldu einnig íbúðir í mars 2011 og var þá sambærileg tala 1648. Þó fækkun frá vori til hausts sé einungis 229 íbúðir er mikil breyting á byggingarstigi einstakra eigna og talsvert verið að vinna í ófullgerðum mannvirkjum.

Múrarameistarafélag Reykjavíkur og Félag dúklagninga- veggfóðrarameistara ganga til liðs við Samtök iðnaðarins. Þann 21. desember s.l. voru undirritaðir samningar um aðild Múrarameistarafélags Reykjavíkur (MM) og Félags dúklagninga- og veggfóðrarameistara (FDV) að Samtökum iðnaðarins og Samtökum atvinnulífsins. Helgi Magnússon, formaður SI, Vilhjálmur Egilsson, framkvæmdastjóri SA, Sigurður Heimir Sigurðsson, formaður MM og Jón Ólafsson, ritari FDV skrifuðu undir samningana.